Puttalam Online
kids

யார் வெற்றியாளர்கள்

  • 21 May 2014
  • 836 views

Adhni Sulaim

2

ஆசைக்கனல் 

உங்களுடைய குறிக்கோள் தெளிவாக இருக்கிறது, அதற்கான வழிமுறையையும் தெரிவு செய்தாகி விட்டது என்றால் மாத்திரம் உஙகள் இலக்கை அடைந்து விட்டீர்கள் என்பது அர்த்தமல்ல. அந்த இலக்கு ஒரு நாள் உங்களை உசுப்பிவிடக்கூடியதாகவும் மறுநாள் மறந்து போகக்கூடியதாகவம் இன்னொரு நாள் சோர்ந்து போனதாகவும் மீண்டும் உட்சாகம் அடைந்ததாகவும் இருக்கக்கூடாது. என்றும் பசுமையாக வைத்திருக்க ஆசையாக, தகுதிக்கு ஆசையாக, ஆசைக்கனலாக அது பற்றிக்கொண்டிருக்க வேண்டும்.

உங்கள் உணவிலும் தூக்கத்திலும் விழிப்பிலும் விளையாட்டிலும் ஓய்விலும் உற்சாகத்திலும் படிப்பிலும் என அனைத்திலும் ஊடுருவியிருக்க வேண்டும். எந்நேரமும் அதே சிந்தனை உங்களை ஆட்கொண்டிருக்க வேண்டும். உங்கள் இலக்கு நோக்கிய நினைப்பும் அதனை நோக்கிய நகர்வும் எந்நேரமும் தொடர வேண்டும்.

குறிக்கோளை அடைவதற்குத்தேவையான ஆற்றல்

குறிக்கோள் தெளிவும் வழிமுறை தெளிவும் தகிக்கும் ஆசையும் மட்டும் இருந்தால் உங்கள் குறிக்கோளை நீங்கள் அடைந்துவிட முடியாது. ஓன்றை அடைவதற்கு எத்தனை நிபந்தனைகள் பூர்த்தி செய்யப்பட வேண்டுமோ அத்தனையும் பூர்த்தி செய்யப்பட வேண்டும். அப்போது தான் வெற்றி கிட்டும். ஓரிரண்டு நிபந்தனைகள் பூர்த்தி செய்யப்பட்டால் வெற்றி கிட்டாது. ஓரிரண்டு நிபந்தனைகள் தவற விடப்பட்டாலும் அப்படித்தான்.

வெற்றிக்கான நிபந்தனைகள்

1.    தெளிவான இலக்கு
2.    அதனை அடைவதற்குறிய வழிமுறை பற்றிய தெளிவு
3.    தகிக்கும் ஆசை
4.    அடையத்தேவையான ஆற்றல்,அது பற்றிய அறிவு
5.    அடையத்தேவையான நபர்களின் இணைவு

இப்போது நாம் பார்ப்பது நான்காவது நிபந்தனை. அடையததேவையான ஆற்றல். நீங்கள் கற்பனை செய்யாத இலக்கை அடையக்கூடிய ஆற்றல் மிகைக்கப்பபெற்றவராக நீங்கள் இருக்க வேண்டும். இல்லாவிட்டால் உங்களால் அந்த இலக்கை அடைய முடியாது.

ஆற்றல் என்பதை நீங்கள் சரியாக விளங்கிக்கொள்ள வேண்டும். சில ஆற்றல்கள் பயிற்சியினால் வளர்த்துக்கொள்ள முடியும். சில அப்படியல்ல. இயல்பாகக் கிடைக்க வேண்டும். இதனை சரியாக அடையாளப்படுத்தி பிரித்து அறிந்திருக்க வேண்டும்.

மட்டுமல்ல, நீங்கள் தேர்ந்தெடுத்த துறை தொடர்பாக அறிவு அவசியம். இல்லாவிட்டால் தோல்விதான். துறைசார் அறிவு இல்லாவிட்டால் அத்துறை தொடர்பாகக்கற்றுக்கொள்ளுங்கள்.

இலக்கை அடையத்தேவையானவர்களின் இணைவு

இறுதி நிபந்தனை இதுதான் உங்கள் இலக்கை ஒரு போதும் உங்களால் தனியாக அடைய முடியாது. அதற்கு பலர் தேவைப்படுவர். அவர்களை இனங்கண்டு இணைக்க வேண்டும். அந்த இணைவுதான் உங்கள் இலக்கை அடையச்செய்யும்.

இத்தகைய வெற்றி நிபந்தனைகளை பூர்த்தி செய்யும் பட்சத்தில் நீங்களும் வெற்றியாளர் ஆகலாம்.

MMM


Leave a Reply

Your email address will not be published. Required fields are marked *

CAPTCHA Image

*

Enable Google Transliteration.(To type in English, press Ctrl+g)
Recent Post
சுவடிக்கூடம்View All